Мордовия республикань образованиянь институтось эрзянь келень коряс тестт саранск 2007

Скачать 383.02 Kb.

Название	Мордовия республикань образованиянь институтось эрзянь келень коряс тестт саранск 2007
страница	1/4
Тип	Документы

rykovodstvo.ru > Инструкция по эксплуатации > Документы

1 2 3 4

МОРДОВИЯ РЕСПУБЛИКАНЬ ОБРАЗОВАНИЯНЬ МИНИСТЕРСТВАСЬ

МОРДОВИЯ РЕСПУБЛИКАНЬ ОБРАЗОВАНИЯНЬ

ИНСТИТУТОСЬ

ЭРЗЯНЬ КЕЛЕНЬ КОРЯС ТЕСТТ

САРАНСК 2007

Рецензентнэ: Кочеваткина О.В., филологиянь наукань кандидатось, МРИО-нь

филологиянь кафедрань прявтось;

Чугунова Н.В., Дубинкань райононь Кобале велень эрзянь келень

ды литературань тонавтыцясь.

Авторось-составителесь: Ивлюшкина Н.И., филологиянь наукань кандидатось

Печатается в авторской редакции

Эрзянь келенть коряс тест: учебное пособие / Авт.-сост.: Н.И. Ивлюшкина.; МО РМ, МРИО. – Саранск, 2007. - 24 с.
Максозь важодемантень совить тестт целанек эрзянь литературань келенть коряс. Весе кармавтоматне аравтнезь истямо кужова: фонетика, орфоэпия, графика ды орфография, лексика, морфемика, валонь теевема, морфология, синтаксис, пунктуация. Песэ максовить виде ответт.

Кармавтоматне кармить лезэвть школасо тонавтницятненень, тиринь келень тонавтыцятненень, вузонь студентнэнень ды весенень, кить арсить содамо эрзянь келенть.

Рекомендовано к печати редакционно-издательским советом МРИО

© Мордовский республиканский институт образования

Икельце валось
Тесттнэ теезь школань тонавтнемапельтнень лангс нежедезь. Кармавтоматне кармить лезэвть школасо тонавтницятненень, тиринь келень тонавтыцятненень, вузонь студентнэнень ды весенень, кить арсить содамо эрзянь келенть. Важодеманть теемстэ, мельсэ кирдевсь тиринь келень коряс программань материалось, сонензэ вешематне, тевс нолдавсть содамочинь ванномань од технологиятне.

Максозь пурнавксонть коряс тонавтницятне икелепелев кармить содамо, кона кевкстеманть лангс эряви явомс мель, те или тона теманть лангсо важодемстэ. Песэ максови литературась, кона лезды седе парсте ськамост тонавтнемс эрзянь литературань келенть.

Важодематнень теемс инструкция

Важодемасонть ниле вариантт, эрьва вариантось ашти колмо пельксстэ.

Васенце пельксэнтень совить 25 важодемат (А1-А25). Эрьва важодемантень максовить 4 виде ответ, конатнень эйстэ вейкесь виде, кисэнзэ путови вейке балл. Сехте ламо баллт те пельксэнть кисэ - 25.

Омбоце пельксэнтень совить 8 важодемат (В1-В8). Неть важодематненень виде ответнэнь арсемс эрявить эстенк ды сёрмадомс валсо или цифрасо, эрьва виде пунктонть кис путови вейке балл. Сехте ламо баллт те пельксэнть кисэ - 8.

Колмоце пельксэсь ашти вейке важодемасто. Те аволь покш текстэнь коряс важодема (сочинения). Сочинениясь совавтозо 150 валдо а седе аламо. Оценкась путови видестэ сёрмадоманть ды покшолманть кисэ. Сехте ламо баллт те пельксэнть кисэ - 10. Весемезэ сехте ламо баллт те важодеманть кисэ – 43.

Важодематнень тееде истямо порядкань коряс, кода сынь максозь. Шкань ванстомань кисэ нолдадо се важодеманть, конась сеске а тееви, ды ютадо меельцентень. Бути весе важодематнень теемадост мейле кадови шка, тынь велявтодо нолдазь важодематненень.

Виде ответэнть кис путовить вейке или зярыя баллт, важодематнень стакачист коряс. Баллтнэ, конат путовить весе важодематнень темаст кисэ путовить вейс. Эряви стараямс теемс седе ламо важодемат, сестэ кармить ламо баллонк.

I-це ВАРИАНТОСЬ

1-це пельксэсь

А1-А25-це кармавтоматнень теемстэ муеде ВЕЙКЕ виде ответ ды невтинк сонзэ

А1 Кона валсонть гласноень гармония арась?

1) реветнеде 2) вальмавтомо 3) пиресэ 4) ошосо

А2 Кона рядсонть кавонест валтнэсэ нолдазь таркаcонть маряви [д], сёрмадови [т]?

1) моль…яно, ма...стемс

2) мер…яно, сай…яно

3) чам…сыть, пан…сы

4) кан…ни, ней…ядызь
А3 Кона рядсонть леень лемне аштить алфавитэнь коряс?

1) Исса, Нуя, Тавла, Ламотка

2) Ламотка, Нуя, Тавла, Исса

3) Ламотка, Нуя, Исса, Тавла

4) Исса, Ламотка, Нуя, Тавла
А4 Лексикань смустесь кона валсонть максозь а видестэ?

1) Сырне - химиянь элемент, тюжа тюсонь, пек питней кшни.

2) Кужо - вирьсэ чаво тарка.

3) Эй - кельмевтезь ведь.

4) Пря - кудонь нармунь.
А5 Кона рядсонть весе валтнэ вейке валъюронь (раськень валт)?

1) колмо, коламс, колсто, кольнемс

2) марямс, марявомсто, марямга, марявикс

3) пелема, пелев, пелюма, пелька

4) панжомс, панжакай, панжома, пекстамс
А6 Кона валось арсезь максозь схемань коряс ∩∩?

1) аловбант 2) откспора 3) цярахмандо 4) кавтошка
А7 Кона рядсонть весе валтнэсэ суффикстнэ валонь теицят?

1) сэрят, сарзтомо, кудосо, морамс

2) кизна, атякш, суркс, ормалгадомс

3) кевтне, велева, пиренек, ожола

4) тунда, якстерькай, виртеме, кудосо
А8 Кона валось теевемань коряс кавонзазь (парной)?

1) пенчть-вакант 2) тюжала 3) кирьгапарь 4) колмонест
А9 Кона рядсонть кавоненст валтнэсэ нолдазь таркантень сёрмадови Ь?

1) сел…ме, кер…кс 2) пур…гине, вир…ть

3) нармун…ть, эр…ге 4) губор…кс, пен…ч

А10 Кона валсонть нолдазь орфографиянь ильведевкс?

1) толбандя 2) мекевланг 3) кавто 4) тюре
А11 Кона рядсонть валтнэ сёрмадовить черькске вельде?

1) карго…ал, кем…пря 2) чеерень…гарькс, чады… ведь

3) кель…вал, кемемс…арась 4) ожо…цеця, ознома…тарка
А12 Кона валрисьмесэнть ПРЯ, КОНЯ валтнэ сёрмадовить вейсэ?

1) Реве…конясь мекс-бути вериясь.

2) Лелям пиле…прязонзо пелевтсь варине.

3) Тетям рамась студенень теемс туво…пря.

4) Истямо мазый нармунь…пря неян васенцеде.
А13 Муинк, кона рядсонть весе существительнойтне аволь невтемачинь полавтомань (основной склонениянь)?

1) изамотне, сырькайть, авакш, умарде

2) шалт, тундось, кикске, лисьматнеде

3) ялгадо, кивтеме, эйкакшсо, цёрашка

4) мором, ошсо, урьванзо, велева
А14 Муинк, кона рядсонть весе прилагательнойтне уликсчинь кандыцят (качественнойть)?

1) коське, рузонь, келень, ревень

2) чапамо, ламбамо, сэпей, чевте

3) кичкере, кевень, кшнинь, ловсонь

4) опаня, пси, лембе, куяронь
А15 Муинк, кона рядсонть весе числительнойтне стакалгавтозь (сложнойть)?

1) сисем, кемзисемге, комсьсисемге, кото

2) колоньгемень, кавтосядт, кевейкее, ведьгемень

3) кавто, сизьгемень сисем, сядо вейке, вейксэньгемень

4) комсьгавтово, комсь, ниленьгемень сисем, котосядт

А16 Муинк, кона рядсонть весе глаголтнэ кармавтомань наклонениянь?

1) симть, визделгадсь, иля пейде, чатьмони

2) правты, кармась аврдеме, кортаволь, пры

3) ютак, мольть, кортак, иляк сае

4) тусть, пандык, тюрить, чуди
А17 Кодат ёнксонзо глаголонь форманть – причастиянть?

1) глаголонь ды существительноень

2) глаголонь ды прилагательноень

3) глаголонь ды наречиянь

4) глаголонь ды местоимениянь
А18 Кона валрисьмесэнть прилагательнойтне топавтыть определениянь тев?

1) Лангоря калесь мазылгавтсь лей чиренть.

2) Калесь, нувара ды нусманя, кудо икельксэнть теи экше.

3) Сундерьгадоматне медьковсто сэтьметь ды манейть.

4) Тейтересь ульнесь сэрей, а цёрынесь - алкине.
А19 Кона валрисьмесь чарькодевтиця пелькс (обособленной оборот) марто?

1) Карминек кевкстнемензэ, кода тосо важодить.

2) С.Д. Эрьзя, минек ине цёрась, кепедизе верев раськенек лемензэ.

3) Киштицясь, мерят, мезеяк эзь нее, эзь маря.

4) Азарсь вармась, сезнесь чувтотнень прясто меельце лопатнень.
А20 Кона валрисьмесэнть невтезь валтнэ явовить запятойсэ?

1) Те шкане паро койсэ нуематнень прядомальть.

2) Весементь теизе паро койсэ.

3) Лейне чуди кальпулосто велев.

4) Кода тень теемс тонь валот коряс.
А21 Кона валрисьмесэнть нолдазь таркантень эряви путомс черькс (тире)?

1) Петранень …эйкакшонзо лангс варштамскак аютколь.

2) Тундось…пертьпельксэнть одс чачома шказо.

3) Мокша леесь…ламо калов.

4) Анка баба аштесь столь экшсэ …озадо.
А22 Кона схеманть коряс арсезь максозь валрисьмесь? (лотксема тешкстнэ апак путни)

Мон тол стяко а максан мери атясь Ёвтнек ёвкс максан тол.

1) А: «В». 2) «В» - а. 3) «В,- а, - В». 4) «В?» - а.
А23 Кода валрисьметне эрявить путнемс, штобу лисевель текст?

(А). Васолдояк тензэ сакшность энялдома марто – киненьгак эзь мере: а теян.

(Б) Пертьпельга сонзэ кондямо ёроков арасель.

(В) Кинень тейсь Мазар чарот, вейкеяк эзь пеняця, вейкеньгак сынь эзть чиреме, эзть каладо.

(Г) Лей чиресэ эрзянь велесэ эрясь чаронь теиця Мазар.

1) ГАБВ 2) АВГБ 3) ГАВБ 4) ВАГБ

А24 Ёвтамс, кодамо стильсэ сёрмадозь максозь текстэсь?

1) публицистикань 2) наукань

3) художественной 4) кортамонь
А25 Толковинк кавто точкатнень путомаст максозь валрисьмесэнть:

Нал велесэ кудотне чавот вейкень пес: ломантне пивсыть розь.
1) обобщающей валонть мельга, бути сон ашти вейкеть пелькстнэнь (однородной члентнэнь) икеле;

2) союзтомо сложной валрисьмень пельксэнзэ юткс, бути васенце пелькссэнть саевить валт, валонь сюлмавкст, конатнень смустест толковави мельганзо молиця пелькссэнть;

3) союзтомо сложной валрисьмень пельксэнзэ юткс, бути омбоце пелькссэнть невтеви тувталось, конадо кортави васенце пельксэнть;

4)союзтомо сложной валрисьмень пельксэнзэ юткс, бути омбоце пельксэсь кирди эсензэ эйсэ кевкстема.

Ловнынк текстэнть ды сонзэ коряс теинк В1-В8-це; С1-це кармавтоматнень

Сексня «Валдо ки» кохозонь правлениясь кучизе Лукьян Гордеевичень животноводонь районной совещанияв. 2. Вокзалсо сон васодсь кавто цёрынетнень марто. 3. Вейкесь нилешка иесэль, омбоцесь – кавтошка. 4. Эйкакштне ташто ды сезнезь пиджаккесэст аштесть якшамо залсонть диван лангсо. 5. Лукьян Гордеевич кортазевсь мартотост. 6. Эйкакштне кенярдозевсть, ёвтнизь, што сынь ардыть поездсэ. 7. Мартост ульнесь бабаст, кона тусь исяк кшинь вешнеме ды те шкас вана арась. 8. «Бабинесь прась ульцяс, - салава ёвтнизе Лукьян Гордеевичнень залонь тенсицясь, - ёжовтомо саизь больницяв. 9. Тов ускомсто кулось. 10. Неть кадовсть кавонест. 11. Милицияяк соды эйстэдест. 12. Сайсызь ва».

13. – Мон а молян милицияв, - чаравтсь прясонзо покшкесь, - сы бабам, ды тутано тетиденень. 14. – Монь пекем вачсь, - кортазевсь вишкинесь. 15. Лукьян Гордеевич таргась плащ зепстэнзэ конев тапаркс, конань потсо ульнесь капстань пряка. 16. Синдизе кавтов ды максызе эйкакштнэнень. 17. Сынь капшазь ярсасть ды цильдердиця сельмест ванность деданть ёнов. 18. Ярсамодо мейле Лукьян Гордеевич ветинзе эйкакштнэнь крандазозонзо, озавтынзе, копачинзе эсензэ чапансо ды ардозь тусь кудов.

19. Кудосо кенярдозь вастызь сынст Аркашка – цёразо ды Анастасия Прохоровна, шабрань ава. 20. Авардезь кутмордынзе цёрынетнень ды седе курок уштсь баня. 21. Лукьян Гордеевич сонсь шлинзе-нардынзе. 22. Анастасия Прохоровна ды шабрань лия аватне те шкане пурнасть-сэрнясть тенст ванькс понкскеть-панарнэть, карсемапельть ды кандызь мельгаст баняв. 23. Мейле парсте андызь-симдизь. 24. Эйкакштне удость валскес вестькак апак сыргозе. 25. Истя кармасть улеме атянть колмо цёранзо. 26. Эрязь-аштезь кучинзе школав. 26. Цёрынетне ульнесть превейть, тонавтнесть вадрясто. 27. Аркашанень теевсть родной братокс. 28. Покшоль мельспарозо Лукьян Гордеевичень.
2-це пельксэсь

В1-В8-це кармавтоматнень теемстэ виде ответнэнь сёрмадынк валсо или цифрасо

В1 Невтинк, зяро гайтть ЁЖОВТОМО валсонть?
В2 Невтинк кодамо способ вельде теевсь ПОНСКЕТЬ-ПАНАРНЭТЬ валось?
В3 22-це валрисьместэнть муинк весе местоимениятнень ды сёрмадынк кужост.
В4 17-18-це валрисьметнестэ невтинк причастиянть.
В5 Кодамо сюлмавомань коесь МАКСЫЗЕ ЭЙКАКШТНЭНЕНЬ валзюлмавксонть?
В6 19-22-це валрисьметнень ютксто муинк чарькодевтиця пелькс (обособленной оборот) марто валрисьменть. Сёрмадынк валрисьменть номерэнзэ.
В7 22-24-це валрисьметнень ютксто муинк вейке составонь валрисьменть. Сёрмадынк валрисьменть номерэнзэ.
В8 4-7-це валрисьметнень ютксто муинк сложноподчиненной валрисьменть, конань кандовиця пельксэзэ определениянь. Сёрмадынк валрисьменть номерэнзэ.

3-це пельксэсь

С1 Сёрмадодо сочинения ловнозь текстэнть коряс.

Кодамо проблема ваннови те текстэнть эйсэ? Ёнсто ли тейсь Лукьян Гордеевич, што саинзе уроз эйкакштнэнь эстензэ кудов? Ёвтынк, эсь арсеманк урозчинть коряс?

Сочинениясь совавты 150 валт. Важодемась сермадови максозь текстэнть лангс нежедезь. Бути сочинениясо целанек ёвтнезь максозь текстэсь, косо арасть кодаткак толковамот (комментарийть), то те важодеманть кисэ зярояк баллт а путовить. Сочинениянть сёрмадодо чарькодевикс почерксэ.
II-це ВАРИАНТОСЬ
1-це пельксэсь

А1-А25-це кармавтоматнень теемстэ муеде ВЕЙКЕ виде ответ ды невтинк сонзэ

А1 Кона валсонть гласноень гармония ули?

1) вазошка 2) мельтеме 3) сывельде 4) лейга

А2 Кона рядсонть ламонь числасо сёрмадовить кавто тт?

1) гай…ть, я…тнэ

2) авав…тнэ, мекш…ть

3) смус…ть, пенч…ть

4) кев…ть, коц…т
А3 Кона рядсонть велень лемтне аштить алфавитэнь коряс?

1) Найман, Нерлей, Шугурова, Гарт

2) Нерлей, Шугурова, Гарт, Найман

3) Гарт, Найман, Нерлей, Шугурова

4) Гарт, Нарман, Шугурова, Нерлей

А4 Лексикань смустесь кона валсонть максозь а видестэ?

1) Сараз - кудонь нармунь.

2) Ларь – чувтонь покш ящик, конаньсэ мезеяк кирдеви.

3) Эрьге – рунгонь пелькс.

4) Сёрма – сёрмадозь текст, конаньсэ киненьгак мезеяк ёвтневи.
А5 Кона рядсонть весе валтнэ вейке валъюронь (раськень валт)?

1) авакш, авака, авине, ававт

2) кежей, кежиявтомс, кеж, киремезь

3) кизэ, кивтеме, кизна, кизэвтеме

4) морамс, моро, меремс, моразевемс

А6 Кона валось арсезь максозь схемань коряс ∩∩ ^?

1) эйзюро 2) аловбант 3) кемголмово 4) ормаменькс
А7 Кона рядсонть весе валтнэсэ суффикстнэ формань теицят?

1) суресэ, пирестэ, кевде, пойбуло

2) лелям, нумолонок, паксясо, сокиця

3) вальмавтомо, лейга, пижелгадомс, кавксть

4) кудова, варакадо, мазыйстэ, инзеень

1 2 3 4

	Закупочная документация по проведению открытого запроса цен на право... Заказчик ОАО «Саранский телевизионный завод» юридический адрес: рф, 430034, Республика Мордовия, г. Саранск, ул. 1-я Промышленная,...		Закупочная документация по проведению открытого запроса цен на право... Заказчик ОАО «Саранский телевизионный завод» юридический адрес: рф, 430034, Республика Мордовия, г. Саранск, ул. 1-я Промышленная,...
	Патентам и товарным знакам (19) Республика Мордовия, г. Саранск, ул. Строительная, 11, ОАО "Саранский завод автосамосвалов"		Техническое задание на оборудование Место поставки товара: Республика Мордовия, 430034, г. Саранск, ул. 1-я Промышленная, д. 4
	Акционерное Общество «Саранский телевизионный завод» Заказчик ОАО «стз» юридический адрес: рф, 430034, Республика Мордовия, г. Саранск, ул. 1-я Промышленная, д. 4		Доклад о законодательной деятельности государственного собрания республики... I итоги деятельности государственного собрания республики мордовия в 2016 году
	Пичушкина Екатерина Михайловна Медицинский институт фгбоу впо «Мордовский государственный университет имени Н. П. Огарева», 430032, г. Саранск, республика Мордовия,...		И инструкция по эксплуатации саранск 2007
	Решение по делу №316 16. 05. 2016 г г. Саранск 14: 30 пр. Ленина,14 Комиссия Управления Федеральной антимонопольной службы по Республике Мордовия (далее Мордовское уфас россии) по контролю в сфере...		«Саранский телевизионный завод» Заказчик ОАО «Саранский телевизионный завод» юридический адрес: рф, 430034, Республика Мордовия, г. Саранск, ул. 1-я Промышленная,...
	1. Термины и определения «Тавла» (ооо «ск «Тавла»), (инн: 1326230178, кпп 132601001, адрес 430005, Республика Мордовия, г. Саранск, ул. Пролетарская, д. 83Б,...		Анкета Участника (Форма №4) 16 > Общие положения 1 Заказчик ОАО «Саранский телевизионный завод» Заказчик ОАО «Саранский телевизионный завод» юридический адрес: рф, 430034, Республика Мордовия, г. Саранск, ул. 1-я Промышленная,...
	И инструкция по эксплуатации саранск 2007 Техническое описание содержит основные сведения по устройству, техническому обслуживанию и эксплуатации тракторного прицепа 2птс-4...		Фгбоу во «Национальный исследовательский Мордовский государственный... Русский язык в диалоге культур : материалы Всероссийской науч практ конф., Саранск, 6 июня 2017 г. / редкол. Ю. А. Мишанин (отв ред.)...
	Республики Мордовия «Ардатовский медицинский колледж» Государственного бюджетного профессионального образовательного учреждения Республики Мордовия		Республики Мордовия «Ардатовский медицинский колледж» Государственного бюджетного профессионального образовательного учреждения Республики Мордовия

Мордовия республикань образованиянь институтось эрзянь келень коряс тестт саранск 2007

Похожие: